[43] นมคฺคารมฺมณํ นกุสลํ ธมฺมํ ปจฺจยา มคฺคารมฺมโณ กุสโล ธมฺโม อุปฺปชฺชติ เหตุปจฺจยา… เหตุยา ปญฺจติํสฯ (นอกุสลํ นอพฺยากตํ นตฺถิฯ)

17-18-1. อุปฺปนฺนาทิตฺติกานิ-กุสลตฺติกํ

[44] นอุปฺปนฺโน นกุสโล ธมฺโม อุปฺปนฺนสฺส กุสลสฺส ธมฺมสฺส อารมฺมณปจฺจเยน ปจฺจโย… อารมฺมเณ สตฺตฯ

นอุปฺปนฺโน นอกุสโล ธมฺโม อุปฺปนฺนสฺส อกุสลสฺส ธมฺมสฺส อารมฺมณปจฺจเยน ปจฺจโย… อารมฺมเณ ฉฯ

นอุปฺปนฺโน นอพฺยากโต ธมฺโม อุปฺปนฺนสฺส อพฺยากตสฺส ธมฺมสฺส อารมฺมณปจฺจเยน ปจฺจโย… อารมฺมเณ สตฺตฯ

(อตีตตฺติกํ อุปฺปนฺนตฺติกสทิสํฯ)

19-1. อตีตารมฺมณตฺติก-กุสลตฺติกํ

[45] นอตีตารมฺมณํ นกุสลํ ธมฺมํ ปจฺจยา อตีตารมฺมโณ กุสโล ธมฺโม อุปฺปชฺชติ เหตุปจฺจยา… เหตุยา เอกวีสฯ

นอตีตารมฺมณํ นอกุสลํ ธมฺมํ ปจฺจยา อตีตารมฺมโณ อกุสโล ธมฺโม อุปฺปชฺชติ เหตุปจฺจยา… เหตุยา เอกวีสฯ

20-1. อชฺฌตฺตตฺติก-กุสลตฺติกํ

[46] นอชฺฌตฺตํ นกุสลํ ธมฺมํ ปจฺจยา พหิทฺธา กุสโล ธมฺโม อุปฺปชฺชติ เหตุปจฺจยาฯ นพหิทฺธา นกุสลํ ธมฺมํ ปจฺจยา อชฺฌตฺโต กุสโล ธมฺโม อุปฺปชฺชติ เหตุปจฺจยา… เหตุยา ทฺเวฯ

นอชฺฌตฺตํ นอกุสลํ ธมฺมํ ปจฺจยา พหิทฺธา อกุสโล ธมฺโม อุปฺปชฺชติ เหตุปจฺจยาฯ นพหิทฺธา นอกุสลํ ธมฺมํ ปจฺจยา อชฺฌตฺโต อกุสโล ธมฺโม อุปฺปชฺชติ เหตุปจฺจยา… เหตุยา ทฺเวฯ

21-1. อชฺฌตฺตารมฺมณตฺติก-กุสลตฺติกํ